قال العلامة عبد الرحمن المشهور رحمه الله تعالى:
Amesema mwanachuoni mkubwa Abdul-Rrahman Al-Mash-hur-Allah amrehemu-:
(ينبغي تنبيه العوام على الألفاظ التي تصدر منهم تدل على القدح في توحيدهم،
Inatakikana kuwazindua watu wa kawaida juu ya matamko ambayo hutoka kwao, yanayojulisha juu ya kutia dosari tauhidi yao,
فيجب إرشادهم وإعلامهم بأن لا نافع ولا ضار إلا الله تعالى) اهـ
Basi inawajibika kuwaongoza na kuwafahamisha kuwa hakuna mwenye kunufaisha wala kudhuru isipokuwa Allah.
بغية المسترشدين (٤/٤٨٣)
Maelezo ya mtarjumu:
Hakika lengo la kuumbwa majini na wanadamu ni kumuabudia Allah -aliyetukuka- pekee na hii ndiyo maana ya tauhidi, na kwa ajili hii Allah akaleta Mitume -amani iwafikie-na akateremsha vitabu ,na kukasimamishwa jihadi, na kumuabudia Allah pekee kwa maana tauhidi ndiyo msingi wa kukubaliwa matendo na kubakia katika uislamu ,na ndiyo maana wanachuoni wetu wamejitahidi kulibainisha suala la tauhidi kwa sababu ya umuhimu wake na wakalitahadharisha pia lile lenye kuivunja hiyo tauhidi ambalo ni ushirikina na pia hata yale yenye kupelekea huo ushirikini, na miongoni mwa wanavyuoni hao ni wanavyuoni wa madhehebu yetu ya kishafii kama tulivyonukuu hapo juu .
Swali la kujiuliza :
Ikiwa hawa wanavyuoni wanawaamrisha wenye elimu wawatadharishe watu kutokana na matamko ambayo yana maana yenye kutia dosari tauhidi yao ,je ni ipi hukumu ya kwenda katika makaburi ya watu wema na wengineo na kuwaomba na kutaka msaada kutoka kwao ?!
Bila shaka huu ni ushirikina wa wazi kabisa na hapa utajua kuwa yale yanayofanywa na baadhi ya watu wenye kujinasibisha na elimu na madhehebu ya kishafi bila shaka haya wanayoyafanya yapo mbali na uislamu na huo si Ushafi bali ni uzushi ulioingizwa na maadui wa uislamu ili kutaka kuubomoa uislamu wetu halisi alioufundisha Mtume -swala na salamu za Allah zimfikie-
Ndugu yangu muislamu imethibiti kuwa Mtume-swala na salamu za Allah zimfikie-alimpinga swahaba ambaye alitamka tamko ambalo lina maana ya kumlinganisha Mtume-swala na salamu za Allah zimfikie- bila ya kuitikadi moyoni, pale huyo swahaba alipomwambia Mtume-swala na salamu za Allah zimfikie-:
ما شاء اللهُ وشئتَ
“Akitaka Allah na wewe”
Mtume-swala na salamu za Allah zimfikie-alimwambia kwa kumpinga :
أجعلتَني للهِ ندًّا؟ ما شاء اللهُ وحدَه
Hivi unanifanya sawa na Allah ?
(Sema) akitaka Allah pekee .
رواه أحمد .
Mwandishi: Abuu Thurayyaa Ismail Seiph Mbonde Asshafiy .
Tembelea Chanel yetu: ☟
https://t.me/Majmuutulaabifiqhishafii
Imeandaliwa :Mfungo tisa 21,1444H- Jan 14 ,2023M
Group la WhatsApp:☟
https://chat.whatsapp.com/LCmiCMbfYC2BHFpca0NFy2
